அறிகுறி இல்லாமல் இளைஞர்களுக்கு கொரோனா பாதிப்பு – மருத்துவர் தண்டபாணி

கோவை மாவட்டத்தில் இரண்டாம் கட்டமாகப் பரவி வரும் கொரோனா தொற்றைக் கட்டுப்படுத்த மாவட்ட நிர்வாகம் பல்வேறு கட்டுப்பாடுகளை விதித்துள்ளது.இருந்த போதிலும் கொரோனா தொற்று கட்டுக்கடங்காமல் அதிகமாகி கொண்டே இருக்கிறது. இது குறித்து கோவை பிரீத்தி மருத்துவமனையின் தலைமை மருத்துவர் எஸ் தண்டபாணி கூறுகையில் தற்போது பரவி வரும் கொரோனா இரண்டாம் அலையில் அதிகம் இளைஞர்கள் பாதிக்கப்படுவதாகவும்,இருமல், சளி, காய்ச்சல் உள்ளிட்ட அறிகுறிகள் இல்லாமல் வாந்தி,வயிற்றுபோக்கு உள்ளிட்ட அறிகுறிகள் மட்டுமே அதிகம் காணப்படுவதாக தெரிவித்தார். மேலும் தனிமனித இடைவெளியை அனைவரும் பின்பற்ற வேண்டும் எனவும் அதிக கூட்ட நெரிசல், மருத்துவமனை உள்ளிட்ட இடங்களுக்கு செல்லும் போது இரண்டு முக கவசங்களை கட்டாயம் பயன்படுத்த வேண்டும் என தெரிவித்தார். மேலும் கொரோனா தடுப்பூசியை அனைவரும் போட வேண்டும் என தெரிவித்த அவர் இந்த தடுப்பூசி மூலம் 90சதவீதம் கொரோனா தொற்றிலிருந்து தங்களை பாதுகாத்து கொள்ளலாம் என தெரிவித்தார்.