Press "Enter" to skip to content

உதகை மலை ரயில் சேவை வரும் செப்டம்பர் 6 ஆம் தேதி முதல் துவக்கம்

கோவை மாவட்டம் மேட்டுப்பாளையம்-குன்னூர் இடையே ஆங்கிலேயர் ஆட்சிக் காலத்தில் தொடங்கிய மலை ரயில் சேவை தற்போது வரை இயங்கி வருகிறது.மேட்டுப்பாளையம் முதல் குன்னூர் வரை நீராவி இன்ஜினால் இயக்கப்படும் இம்மலை ரயிலில் பயணம் செய்வது சுகமானது.
மேட்டுப்பாளையம் முதல் குன்னூர் வரை மலை முகடுகளிடையே பல்சக்கரங்களில் இயக்கப்படும் இந்த மலை ரயில் பல்வேறு குகைகளைத்தாண்டி செல்வதால் சுற்றுலாப் பயணிகளைக் கவர்ந்து வருகிறது.
இதில் பயணம் செய்வதற்கு தமிழகம்,கேரளா,கர்நாடகா உள்ளிட்ட உள்நாடுகள் மற்றும் வெளிநாட்டு சுற்றுலா பயணிகளும் ஆர்வம் காட்டி வருகின்றனர். இந்த சூழலில் கடந்த 2005 ஆம் ஆண்டு இந்த மலை ரயிலுக்கு யுனெஸ்கோ சார்பில் பாரம்பரிய அந்தஸ்து வழங்கப்பட்டது.
மேலும்,தமிழகத்தில் கொரோனா பரவல் காரணமாக கடந்த 8 மாதங்களுக்கு முன்னர் நிறுத்தப்பட்டது.இந்நிலையில் மேட்டுப்பாளையம் முதல் உதகை வரை செல்லும் மலை ரயிலானது வரும் செப்டம்பர் 6 ஆம் தேதி முதல் இயக்கப்பட உள்ளதாக தென்னக ரயில்வே அறிவித்துள்ளது.ரயில்வேயின் இந்த அறிவிப்பு சுற்றுலாப்பயணிகளிடையே மகிழ்ச்சியை ஏற்படுத்தியுள்ளது.
மேலும்,முன்பதிவு செய்யப்பட்டுள்ள பயணிகளுக்கு மட்டுமே அனுமதியளிக்கப்பட்டுள்ளது குறிப்பிடத்தக்கது.

More from கோவை செய்திகள்More posts in கோவை செய்திகள் »

Be First to Comment

Leave a Reply

Your email address will not be published. Required fields are marked *

Enable Notifications    OK No thanks