சேட்டன் சிங் சோளங்கி இரத்தினம் கல்விக் குழுமத்திற்கு வருகை | tamilnews

இந்தியாவின் ”சூரிய ஒளி மனிதர்” என்று அழைக்கப்படும் பேராசிரியர்.சேட்டன் சிங் சோளங்கி கோவை இரத்தினம் கல்விக் குழுமத்திற்கு வருகை புரிந்தார்.

இரத்தினம் தொழில்நுட்ப வளாகத்தில் பயிலும் 300க்கும் மேற்பட்ட மாணவர்களிடத்தில் உரை நிகழ்த்தினார். எனர்ஜி ஸ்வராஜ் யாத்ரா பற்றி அவர் மாணவர்களிடத்தில் விரிவான உரை ஆற்றினார். அவர் உலகின் மிக முக்கிய பிரச்சினையான வானிலை மாற்றத்தைப் பற்றி பேசினார். அவர் பேசுகையில் பருவநிலை மாற்றம் நமது சமுதாயத்திற்கு மிகப்பெரிய அச்சுறுத்தலாக உள்ளது. அதற்கு மாற்று வழிகண்டறிய வேண்டும் என கூறினார்.

பேராசிரியர்.சேட்டன் சிங் சோளங்கி அடல் இன்குபேஷன் சென்டரை பார்வையிட்டார். இந்த நிகழ்ச்சிக்கு அடல் இன்குபேஷன் சென்டரின் முதன்மை நிர்வாக அதிகாரி முனைவர்.மதன்.ஆ.செந்தில் தலைமை தாங்கினார். அடல் இன்குபேஷன் சென்டரின் இயக்குனர் முனைவர்.பா.நாகராஜ் முன்னிலை வகித்தார். பேராசிரியர்.சேட்டன் சிங் சோளங்கி நமது பசுமை சூழல் சார்ந்த தொழில் முனைவோர்களைப் பற்றியும் கேட்டறிந்தார்.