தங்க நகையில் முதலீடு மோசடி, பாதிக்கப்பட்டவர்கள் புகார்

தங்க நகையில் முதலீடு செய்யக்கோரி ரூ.64 லட்சத்தை மோசடி செய்தவர்களிடம் இருந்து பணத்தை மீட்டுத்தருமாறு பாதிக்கப்பட்டவர்கள் கோவை மாநகர காவல் ஆணையர் அலுவலகத்தில் புகார் அளித்துள்ளனர்.
கோவை மாவட்டம் தொண்டாமுத்தூரை சேர்ந்தவர் திருமணி. அதே பகுதியில் மளிகை கடை நடத்தி வருகிறார். இவரிடம் தங்கத்தில் முதலீடு செய்தால் லாபம் கிடைக்கும் என்று ரூ.64 லட்சத்தை சிலர் ஏமாற்றியதாக கோவை மாநகர காவல் ஆணையர் அலுவலகத்தில் புகார் அளித்தார்.