புதிய ரேஷன் கார்டு பதிவு செய்வதற்கு காத்திருக்கும் மக்கள்

குடிமக்களின் முக்கிய ஆதாராமாக பயன்படும் ரேஷன் கார்டுகள் ஒவ்வொரு குடும்பத்திற்கு அவசியமான ஒன்றாக உள்ளது. இதில் நாள்தோறும் புதிய ரேஷன் கார்டுகள் கேட்டு பலரும் விண்ணப்பித்து வருகின்றனர். அனைவருக்கும் விண்ணப்பித்த 15 நாட்களில் ரேஷன் கார்டுகள் வழங்கப்படும் என்று தமிழக அரசு சார்பில் அறிவிக்கப்பட்ட நிலையில், தற்போது இந்த செயல்முறையும் தொடர்ந்து வருகிறது.
புதிய ரேஷன் அட்டைதாரர்கள் ஆகஸ்ட் 1 ஆம் தேதி முதல் அனைத்து ரேஷன் கடைகளிலும் பொருட்களை பெற்றுக்கொள்ள அனுமதி கொடுக்கப்பட்டுள்ளது” என தமிழக அரசு தெரிவித்துள்ளது. இந்நிலையில் புதிய ரேஷன் கார்டு பதிவு செய்வதற்காக கோவை தெற்கு வட்டாட்சியர் அலுவலகத்தில் காலை முதல் சமூக இடைவெளியின்றி மக்கள் நீண்ட வரிசையில் காத்திருக்கின்றனர். இதனால் நோய் பரவும் அபாயம் ஏற்பட்டுள்ளது. சம்பந்தப்பட்ட அதிகாரிகள் உடனடியாக நடவடிக்கை எடுத்திட வேண்டும் என சமூக நலனில் அக்கறை கொண்டோர் கோரிக்கை வைக்கின்றனர்.