முன்னாள் அமைச்சர் எஸ்.பி.வேலுமணி மதிய உணவு வழங்கினார்

கோவையில் முன்னாள் அமைச்சரும், அ.தி.மு.க சட்டமன்ற கொறடாவுமான எஸ்.பி.வேலுமணி 10 ஆயிரத்திற்கும் மேற்பட்ட மக்கள் பயனடையும் விதமாக மதிய உணவு திட்டத்தை இன்று துவக்கி வைத்தார்.
கோவை தொண்டாமுத்தூர் சட்டமன்ற தொகுதிக்குட்பட்ட செல்வபுரம், என்.எஸ்.கே வீதி, ரங்கசாமி காலனி, ரங்கசாமி சாலை, 60 அடி சாலை உட்பட பல்வேறு இடங்களில் 10 ஆயிரத்திற்கும் மேற்பட்ட மக்கள் பயன்பெரும் வகையில் மதிய உணவு திட்டத்தையும், கொரானா நோய் எதிர்ப்பு மருந்துகள் உட்பட நோய் தடுப்பு உபகரகரணங்களை முன்னாள் அமைச்சரும், அ.தி.மு.க சட்டமன்ற உறுப்பினருமான எஸ்.பி.வேலுமணி வழங்கினார்.
குறிப்பாக முன்கள பணியாளர்களான தூய்மை பணியாளர்களுக்கும், பொதுமக்களுக்கும், ஆதரவற்றவர்களுக்கும் மதிய உணவு திட்டத்தை முன்னாள் அமைச்சர் எஸ்.பி.வேலுமணி துவக்கி வைத்தார். மேலும் நோய் தொற்றிலிருந்து மக்களை காப்பாற்றும் விதமாக நோய் எதிர்ப்பு சக்தியை அதிகரிக்கும் கபசுர குடிநீரை வழங்கினார்.